A preparación de propostas a financiación europea e a xestión de proxectos require duns coñecementos técnicos e financeiros especializados, que permitan axustalos aos requerimentos específicos das convocatorias.
A proposta que presenta o departamento de innovación da Cámara de Comercio Ferrol consiste na impartición dun seminario orientado a sensibilizar, dinamizar e mobilizar a empresa da demarcación na procura de oportunidades e incentivos para mellorar a súa integración no tecido empresarial europeo, a través da participación en programas de incentivos europeos a empresas.
OBXECTIVOS
O obxectivo xeral do seminario é fomentar a participación das empresas nos programas de axudas da UE, na procura dun maior retorno de fondos comunitarios respecto ás aportacións da rexión.
Entre os obxectivos específicos destacan:
- Proporcionar unhas nocións básicas sobre os requerimentos técnicos no relativo á presentación de proxectos e a captación e xustificación de fondos europeos.
- Proporcionar un protocolo de actuacións e recomendacións para a correcta execución de cada unha das fases que conforma a elaboración dun proxecto europeo (programación, identificación, formulación e presentación).
- Promover e difundir as prioridades e líñas estratéxicas de actuación da Unión Europea dirixidas ás empresas.
CONTIDOS
- Instrumentos financeiros da EU e tipoloxía dos fondos comunitarios dirixidos ás empresas (mecanismos de financiación, xestión, estructura, fontes de información).
- A proposta de proxecto (xeración da idea, criterios de avaliación e selección de proxectos da UE, redacción de memoria técnica e elaboración do orzamento)
- Xestión de proxectos europeos (aspectos financeiros, administrativos e legais).
DIRIXIDO A
Profesionais e técnicos adicados á elaboración, execución, xestión e avaliación de proxectos europeos.
DATA E HORARIO
Data: Martes 1 de xuño
Horario: De 17.00 a 19.00 h (aprox.)
LUGAR
Salón de plenos da Cámara de Comercio de Ferrol. A Malata s/n, Edificio de Usos Múltiples, 1º andar.
MATRÍCULA
Gratuita
Enviar a ficha de inscrición ao enderezo innovacion@camaraferrol.org
Obxectivos
A enerxía é un dos principais motores que moven a nosa economía. Neste contexto, os baixos niveis de eficiencia enerxética en produción e consumo son unha das causas da vulnerabilidade do modelo enerxético vixente.
Programa de accións de consultorías individualizadas dirixidas a mellorar a competitividade das Pemes
Qué pode aportar á miña empresa a ecoinnovación? pode axudarme a acceder a novos mercados? É posible reducir custos mediante a ecoeficiencia dos procesos? Cómo poido aforrar custos enerxéticos?
A Fundación Empresa-Universidade Galega (FEUGA), en colaboración co departamento de innovación da Cámara de Comercio de Ferrol, está desenvolvendo actuacións para a promoción da ecoinnovación e a competitividade nas Pemes do sector, no marco do proxecto ECOGALICIA VERDE financiado pola Fundación Biodiversidad e Caixagalicia.
En resposta ao cambio tecnolóxico que sufriron os nosos automóbiles, o que os fai radicalmente distintos na súa condución, e a necesidade de aforro enerxético e respeto ao medio ambiente, a Axencia Provincial da Enerxía (FAEPAC) en colaboración co Instituto Enerxético de Galicia (Inega) e a Cámara de Comercio de Ferrol, está a impartir cursos de condución eficiente. Estes cursos realízanse dentro do plan de acción da estratexia de aforro e eficiencia enerxética de España 2008 – 2012 (E4), en convenio co Instituto para a Diversificación e Aforro da Enerxía (IDAE).
Nun mercado dominado por ferramentas de producción de software propietario, o software libre (SwL) está a constituír unha ferramenta alternativamente máis xusta social e economicamente. Entre as vantaxes que o software libre aporta aos seus usuarios destacan: independencia tecnolóxica, soporte e compatibilidade a l/p, formatos estándar, reducción de custos…
A inspección de soldadura mediante técnicas de ensaios non destrutivos (END) proporciona información básica sobre a calidade e a defectoloxía da unión, sendo unha técnica esencial para certificar e validar unións de materiais.