Seminario sobre os cambios na Norma ISO 9001:2008
A Cámara de Comercio de Ferrol programa, para o próximo 10 de xuño, un seminario sobre a nova norma ISO 9001:2008 que se centrará nos principais cambios que introduce con respecto a versión do ano 2000.
A nova edición mantén os requisitos esixidos na anterior, pero establece puntualizacións significativas orientadas, fundamentalmente, a mellorar a súa comprensión e a facela máis coherente e compatible co resto das normas da serie 9000 e coa ISO 14001:2004 de xestión ambiental.
O obxectivo desta actividade formativa é axudar as empresas e organizacións que xa dispoñen do certificado a entender estes cambios, cun enfoque práctico que facilite o proceso de adaptación e transición que debe rematarse antes de novembro de 2010.
PROGRAMA
1. Introdución á nova edición:
- Razóns do cambio
- Transición
- Beneficios
2. Cambios realizados na nova edición
- Descrición
- Exemplos de aplicabilidade
- Temas conflitivos
DESTINATARIOS
Xerentes, responsables e técnicos da área de calidade e, en xeral, profesionais con interese na materia. É requisito imprescindible coñecer a ISO 9001:2000
DATA, HORARIO E LUGAR DE CELEBRACIÓN
Mércores, 10 de xuño, de 18.00 a 22.00 h.
Salón de plenos da Cámara de Comercio de Ferrol. A Malata s/n, Edificio de Usos Múltiples, 1º andar (Ferrol).
INSCRICIÓNS
O importe das inscricións é de 25 € para as empresas da demarcación da Cámara e de 45 € para o resto dos alumnos.
Os interesados deberán remitir ao departamento de formación da Cámara a ficha de inscrición xunto co resgardo que acredite ter efectuado o ingreso bancario correspondente ao importe da matrícula.
Este trámite pode realizarse desde a propia web da Cámara (http://www.camaraferrol.org/ver_curso.asp?idCurso=99) ou enviando a dita ficha por correo electrónico (formacion@camaraferrol.org) ou por fax (981 333096)
