INNOVACIÓN E COMPETITIVIDADE » Axudas e subvencións

I+D+i: Subvencións para o fomento do uso das deducións fiscais e das bonificacións na cotización á Seguridade Social

innovacionecompetitividade — Thu, 01 Oct 2009 15:21:20 +0000

Obxecto

Fomentar o uso das deducións fiscais e das bonificacións na cotización á Seguridade Social por actividades de investigación, desenvolvemento e innovación no ámbito da Comunidade Autónoma de Galicia

Beneficiarios

As persoas físicas que actúan como empresarios individuais ou as persoas xurídicas con forma de sociedade privada validamente constituídas no momento de presentación da solicitude mediante escritura de constitución, no seu caso debidamente inscritas nos correspondentes rexistros oficiais, cando este requisito fose exixible segundo a lexislación mercantil aplicable. Os beneficiarios destas subvencións deberán ter o seu domicilio social ou algún centro de traballo en Galicia. Non terán a condición de beneficiarios as asociacións de empresas ou outras entidades sen ánimo de lucro.

Prazo de presentación de solicitudes

Ata o 13 de novembro de 2009

Enlace á axuda

InnoVIA_TIC aplicada á organización documental e o acceso remoto aos recursos

innovacionecompetitividade — Fri, 15 May 2009 07:59:31 +0000

OBXECTIVO

Racionalizar e facilitar a xestión da peme mediante a implantación dunha ferramenta ofimática avanzada e contrastada no mercado: eTELSER

eTELSER

eTELSER é un software de xestión para pemes orientado a mellorar a organizacion dos aspectos administrativos e comerciais da empresa.

Con eTELSER a xerencia poderá coñecer dun vistazo e en tempo real cal é o estado actual dos proxectos e documentos da súa compañía (tanto actuais como pasados), quén os desenvolveu, e cales son as tarefas pendentes ou fora de prazo e o seu responsable. Ao mesmo tempo, eTELSER pon á súa disposición a posibilidade de realizar plantillas para, por exemplo, levar um control da actividade dos seus comerciais.

Este software facilita o traballo colaborativo do persoal, axuda a racionalizar o aproveitamento do espazo físico e optimiza a xestión do coñecemento na empresa mediante ferramentas intuitivas e fáciles de usar: xestor de proxectos, tarefas, datas límite, calendario, mensaxes e arquivos. Ademáis, posee unha aplicación que permite aos usuarios traballar sobre un mesmo texto e poder comparar as distintas versións.

FASES

1. Identificación de procesos e recursos da empresa.

2. Plan de adaptación.

3. Implantación da ferramenta eTELSER e capacitación do persoal.

REQUISITOS

- Ser Peme

- Ter polo menos un traballador dado de alta en términos UTA durante os doce meses anteriores á data de finalización do proxecto.

ORZAMENTO

20.000€ (ata un 50% de subvención a través do Programa Innoempresa, o resto mediante patrocinios).

A empresa so terá que finaciar 100€+IVE en concepto de reserva.

As empresa interesadas en participar no proxecto poderán obter máis información chamando ao teléfono 981 333 165 da Cámara de Comercio de Ferrol, ou ben a través do seguinte enderezo de correo electrónico: scempresas@camaraferrol.org

Axudas a empresas para a prevención e redución da contaminación

innovacionecompetitividade — Wed, 01 Apr 2009 07:45:29 +0000

A Consellería de Medio Ambiente e Desenvolvemento Sostible ven de convocar axudas a empresas que realicen investimentos encamiñados á prevención e redución da contaminación a través de melloras tecnolóxicas. O obxectivo principal destes incentivos é o de reducir o impacto das actividades empresariais sobre o medio e de obter melloras ambientais a través de melloras tecnolóxicas aplicadas a procesos, cambios nos produtos ou nas materias primas, así como a reutilización ou valorización non enerxética.

A data límite de presentación de solicitude é o 12 de maio de 2009. Serán susceptibles de subvención as actuacións comenzadas a partir do 3 de novembro de 2008 e que poden rematar no ano 2009 ou no vindeiro 2010. En todo caso, estas actuacións deberán estar executadas na súa totalidade ou, polo menos, nalgunha fase antes do 31 de outubro de 2009. As plurianuais que se desenvolvan durante o ano 2010, deberán estar finaliazadas antes do 31 de outubro de 2010.

O importe máximo por solicitante acada o 50% do investimento subvencionable, cun límite de 60.101 euros.

Ficha resumo da Orde